माझी भटकंती …. : आहुपे घाट मार्गे - गोरखगड (९ तासांचा निसर्गरम्य प्रवास)

आहुपे घाट मार्गे - गोरखगड (९ तासांचा निसर्गरम्य प्रवास) (तारीख १५ आणी १६ ऑगस्ट २०१५)

नाने घाटा सारखा असलेला घाटमार्ग - आहुपे घाट याबद्दल थोडाफार वाचनात आल होत तसेच दुर्ग भटकंतीतील सवंगडी सुभाष कुचिक याच्याकडून खुपवेळा ऐकल होत. ५-६ वर्षापूर्वी आहुप्याला गेलो होतो तेव्हा वेळे अभावी घाट मार्ग तसाच राहून गेला.
आहुपे घाट हे भीमाशंकर अभयअरण्यातील भट्टीच्या राणाच्या सानिध्यात असलेले नयनरम्य ठिकाण आहे. आहुपे घाटावरून आजूबाजूचे विहंगम दृश्य दिसते. आहुपे ते खोपिवली असा घाटमार्गाचा प्रवास आताहि चालू आहे घाट मार्गामध्ये वाटसरुणां पानी पिण्यासाठी वेगवेगळ्या टप्प्यामध्ये तीन पाण्याच्या टाक्या पहावयास मिळतात तसेच दगडामध्ये कोरलेल्या पायऱ्यांचे अवशेष सुद्धा आहेत. घाट उतरत असताना समोरच असलेला गोरखगड आणि मछिंद्रगडाचा सुळका आपली नजरच खिळवून ठेवतो. दोन तासाच्या उतरनी नंतर आपण एका नदीपात्रात येतो. नदी पार केल्यानंतर 100 मीटर वर एक वाट आपल्याला डाविकडे घेऊन जाते. ही वाट सरळ गोरख गडावर जाते. गोरखगड़ावारुन बाजूला सिद्धगड, मछिंद्रगड आणी समोर आहुपयाचे उंच उंच कड़े आणी दुर वर दिसणारा नानाचा अंगठा आपले लक्ष्य वेधुन घेतात. तस पहिला गेलतर 5-6 वर्षात आहुप्यात खुपच बदल झालेले दिसले. आश्रमशाळेच्या एकाशेडच रूपांतर तीन टोलेजंग इमारतीत झाल. कड्यावरती बाकडे दिसायला लागले. ग्रामस्तांनी पर्यावरण शुल्क सुरु केल. पण जुन्या मित्रमंडळीनी केलेल्या पाहुंचारामुळे माणुसकी शिल्लक असल्याची जाणीव सुद्धा झाली

आपला
प्रविण गायकवाड